اس وقت دنیا کے تین عظیم کرکٹرز میں پاکستانی کرکٹر بابر اعظم بھی شامل ہو گئے ہیں بابر اعظم کو یہ اعزاز پاکستان کرکٹ ٹیم کے سابق مینٹور میتھیو ہیڈن نے دیا ہے . انہوں نے کپتان بابراعظم، اسٹیو اسمتھ اور ویرات کوہلی کو موجودہ دور کے عظیم کھلاڑی قرار دے دیا۔
تفصیلات کے مطابق آئی سی سی ٹیسٹ چیمپیئن شپ فائنل کے میچ کے دوران ان سے سوال کیا گیا کہ آسٹریلیا کو ہندوستان پر کیا فائدہ ہوسکتا ہے؟ جس پر سابق آسٹریلوی کرکٹر میتھیو ہیڈن نے بورڈ پر رنز بنانے کی اہمیت کے حوالے سے بات کرتے ہوئے اسٹیو اسمتھ، ویرات کوہلی اور بابراعظم کے کھیل کی تعریف کی .انہوں نے کہا کہ یہ تینوں بلےباز میرے لیے جدید دور کےعظیم کھلاڑی ہیں۔
انہوں نے کہا کہ بابراعظم بین الاقوامی کرکٹ کے سب سے پرجوش بلے بازوں میں سے ایک بن چکا ہے۔ اس کا خوبصورت اسٹروک پلے، ٹائمنگ، اور لمبی اننگز کھیلنے کی صلاحیت نے اسے مقبول بنایا ہے۔ بابر کے متاثر کن اعدادوشمار اور مسلسل کارکردگی نے دنیا کے سرفہرست بلے بازوں میں ان کا مقام مضبوط کر دیا ہے۔
اسی طرح انہوں نے کہا کہ اسمتھ کو اپنے غیر روایتی لیکن موثر بیٹنگ اسٹائل کی وجہ سے شہرت حاصل ہے، انہوں نے مسلسل رنز بنائے اور مخالف گیند بازوں پر پریشر میں لائے جبکہ سابق بھارتی کپتان ویرات کوہلی کے حوالے سے انہوں نے کہا کہ وہ ایک دہائی سے زیادہ عرصے تک عالمی کرکٹ میں صف اول کے بلےباز رہے، کوہلی کو دور حاضر کی کرکٹ کے بہترین بلے بازوں میں شمار کیا جاتا ہے۔
بابراعظم، کوہلی اور اسٹیو اسمتھ موجودہ دور کےعظیم کھلاڑی قرار !
کچھ صاحب تحریر کے بارے میں
اس پوسٹ پر تبصرہ کرنے کا مطلب ہے کہ آپ سروس کی شرائط سے اتفاق کرتے ہیں۔ یہ ایک تحریری معاہدہ ہے جو اس وقت واپس لیا جا سکتا ہے جب آپ اس ویب سائٹ کے کسی بھی حصے کے ساتھ بات چیت کرنے کے لیے اپنی رضامندی کا اظہار کرتے ہیں۔