پنجاب میں پولیس مقابلوں کے دوران سوا سو کے قریب اشتہاری مار کر شہرت پانے والے مشہور زمانہ انسپکٹر عابد باکسر کی بزنس کمیونٹی میں بھی دھماکہ خیز اینٹری ہو گئی ہے . عابد باکسر کو لاہور چیمبر آف کامرس نے رکنیت دے دی ہے اور اب وہ چیمبر آف کامرس کے رکن بن چکے ہیں . اس سلسلے میں سابق انسپکٹر عابد باکسر سے دی جرنلسٹ ٹوڈے کی گفتگو ہوئی تو انہوں نے بتایا کہ کاروباری دنیا میں وہ نئے نہیں ہیں . وہ عابد مارکیٹ کے اکلوتے وارث تھے اور اب بھی عابد مارکیٹ لاہور کے مالک ہیں . ان کے تین پلازے ہیں جن کا کرایہ آتا ہے . اس کے علاوہ انہوں نے 2000 میں جیل روڈ لاہورپر گاڑیو ں کا شو روم بنایا تھا . جب وہ پاکستان سے مفرور ہوئے اور بیرون ملک گئے تو وہاں بھی انہوں نے کامیاب بزنس مین کے طور پر اپنے آپ کو منوایا. انہوں نے دبئی میں تین کمپنیاں بنائیں اور کمپیوٹر ایسسریز کا بزنس کیا . یہ کمپنیاں آج بھی چل رہی ہیں . اب پاکستان میں انہوں نے کنسٹرکشن اور پراپرٹی کے حوالے سے کمپنی بنائی ہے جس کے تحت پوش علاقوں میں گھر وں کی کنسٹریشن کی جارہی ہے .
عابد باکسر کا کہنا ہے کہ دو دہائیوں سے کامیاب بزنس مین ثابت ہونے کے بعد یہ میرا حق تھا کہ میں بزنس کمیونٹی کے معروف مرکز چیمبر آف کامرس کا ممبر بنتا اور مجھے یہی حق چیمبر کے معززین نے دیا ہے . انہوں نے مزید بتایا کہ انہیں کسی کمیٹی کی سربراہی کی بھی آفر کی گئی تھی جس سے انہوں نے معذرت کر لی کیونکہ وہ نہیں چاہتے تھے کہ چیمبر آف کامرس کے حوالے سے یہ تاثر جائے کہ وہ کسی مفاد کے تحت اس کے ممبر بنے ہیں البتہ انہوں نے ایک سوال پر یہ ضرور کہا کہ اگر چیمبر آف کامرس نے تاجر برادری کی فلاح کے لیے ان کے ذمہ کوئی کام لگایا تو وہ اسے ضرور پورا کرنے کی کوشش کریں گے
مشہور زمانہ این کاؤنٹر سپیشلسٹ انسپکٹر عابد باکسر کی بزنس کمیونٹی میں دھماکہ خیز اینٹری !
کچھ صاحب تحریر کے بارے میں
اس پوسٹ پر تبصرہ کرنے کا مطلب ہے کہ آپ سروس کی شرائط سے اتفاق کرتے ہیں۔ یہ ایک تحریری معاہدہ ہے جو اس وقت واپس لیا جا سکتا ہے جب آپ اس ویب سائٹ کے کسی بھی حصے کے ساتھ بات چیت کرنے کے لیے اپنی رضامندی کا اظہار کرتے ہیں۔