قصور میں ایک بار پھر ایسا واقعہ رونما ہوا ہےجس نے انسانیت کو شرمندہ کر دیا ہے . ایک خاتون کے مطابق اس کا داماد اسے بلیک میل کر کے اس کے ساتھ زیادتی کرتا رہا ہے . تفصیلات کے مطابق پنجاب کے ضلع قصور کے علاقہ سلامت پورہ کی رہائشی زینب بی بی نے بتایا ہے کہ اس کی بیٹی کی شادی ارشد نامی شخص سے ہوئی تھی جس کا رویہ پہلے دن سے ہی میری بیٹی کے ساتھ درست نہیں تھ لیکن میری بیٹی اپنا گھر بسانے کے لیے اس کاظلم برداشت کرتی رہی . ارشد مجھے دھمکی دیتا تھا کہ وہ میری بیٹی کو طلاق دے دے گا اور اس دھمکی کی بنیاد پر بلیک میل کر کے مجھ سے پیسے ہڑپ کرتا رہا ہے .دو ماہ قبل میں گھر میں اکیلی تھی تو ارشد نے مجھے نشہ آور جوس پلا کر مجھ سے زیادتی کی اور اس کی ویڈیو بنا لی . اس کے بعد وہ کئی بار مجھے یہ ویڈیو دکھا کر اور میری بیٹی کو طلاق دینے کی دھمکی دے کر مجھ سے زنا بالجبر کرتا رہا اور اس کی ویڈیو بنایا رہا . خاتون کے مطابق 8 دن قبل اس کی بیٹی زچگی کے لیے اس کے گھر آئی ہوئی تھی کہ ان کا داماد اپنے والد اوردو نامعلوم ساتھیوں سمیت گھر آیا اور مارا پیٹا جس سے ان کی بیٹی کا حمل ضائع ہو گیا . خاتون نے مزید الزام لگایا کہ اس سے قبل بھی یہ پانچ چھ عورتوں کی زندگیاں برباد کر چکا ہے جس میں اس کے والدین اس کا ساتھ دیتے ہیں اور سوچی سمجھی سازش کے تحت شریف عورتوں کو بلیک میل کر کے پیسے کماتے ہیں .
تھانہ بی ڈویژن قصور پولیس نے خاتون کی درخواست پر مقدمہ درج کر لیا ہےاور ملزم کو بھی گرفتار کر لیا ہے.ذرائع کے مطابق پولیس ملزم ارشد کے قبضہ سے نازیبا ویڈیو اور تصاویر بھی حاصل کر چکی ہے اور اس بنیاد پر مزید تفتیش کی جا رہی ہے جس میں مزید انکشافات سامنے آنے کا بھی امکان ہے.
یادرہے کہ اس سے قبل بھی قصور میں بچوں سے زیادتی کا سکینڈل اور پھر ایک بچی زینب سے زیادتی وقتل کا واقعہ پورے ملک میں زیر بحث رہا تھااور یہ کیس اتنا مشہور ہوا کہ پنجاب کی پولیس نے بچوں کو محفوظ رکھنے کے لیے باقاعدہ زینب الرٹ ایپ تک بنا دی تھی .