پنجاب کے ضلع مظفرگڑھ میں سسر نے اپنے داماد کا نازک عضو کاٹ کر اسے نامرد بنا دیا . تفصیلات کے مطابق متاثرہ شہری بلال ولد محمد نسیم نامی شخص فرنیچر کا کام کرتا تھا اور اس کا تعلق اڈہ حافظ آباد کوٹ سلطان ضلع لیہ سے ہے . وہ اپنے سسرال والوں سے ملنے آیا اور زیادہ رات ہو جانے کی وجہ سے وہیں رک گیا . اس کی سالی نے اس کا بستر اوپر چوبارہ میں لگا دیا جہاں وہ سونے چلا گیا .
بلال پر اس کے سسرال والوں نے الزام لگایا ہے کہ اس نے اپنی سالی سے زیادتی کی تھی جس کا علم ہونے پر انہوں نے یہ انتقامی کاروائی کی اوراسے نامرد بنا دیا .دوسری جانب متاثرہ شخص بلال کے مطابق وہ سو رہا تھا کہ تہجد کے وقت تقریبا صبح چار بچے اس کے سسر اپنے دو بیٹوں کے ہمراہ آئے اور اسے اٹھایا تو اس نے دیکھا کہ اس کی سالی( م) اس کے بستر میں ہی سوئی ہوئی ہے جو کہ ہوش میں نہیں تھی . اس کے سسر اور سالے شدید غصہ میں تھے اور انہوں نے اسے پکڑ کر چھری سے اس کا نازک عضو کاٹ دیا جبکہ اپنی بیٹی کو وہاں سے لے گئے . ملزمان بعد ازاں واردات موقع سے فرار ہو گئے.
اس واردات کی اطلاع ملنے پرمتاثرہ شخص کو تشویشناک حالت میں ڈی ایچ کیو ہسپتال منتقل کردیا گیا.ضلعی پولیس ترجمان کے مطابق پولیس نے متاثرہ شہری کی درخواست پر تھانہ سٹی میں مقدمہ درج کر لیا ہے اور کاروائی کرتے ہوئے اس کے سسر اللہ بخش اور قاسم نامی سالہ گرفتار کیے جا چکے ہیں جبکہ دوسرے سالے اعجاز کی گرفتاری کے لیے چھاپے مارے جارہے ہیں.
