کیا آپ جانتے ہیں کہ بالی وڈ کی ایک اداکارہ ہندوستان کے پہلے صدر کی پڑپوتی ہیں .
ڈاکٹر راجندر پرساد بھارت کے پہلے صدر تھے۔ وہ انگریز حکومت سے آزادی کے لیے جدوجہد کرنے والے راہنماوں میں شامل تھے .بھارت کی آزادی کی تحریک میں انہوں نے بھرپور کردار ادا کیا اورانڈین نیشنل کانگریس کے صدر کے طور پر بھی متحرک رہے .
انہی ڈاکٹر راجندر پرساد کی پڑپوتی بھارت کی فلم انڈسٹری میں اپنی جگہ بنا رہی ہیں . وہ رنبیر کپور اورجمی شیرگل کے ساتھ فلموں میں کام کر چکی ہیں ۔ بھارت کے پہلے صدر کی اداکارہ پڑپوتی کا نام شریا نارائن ہے۔
شریا بالی ووڈ میں ابھی تک کوئی لیڈ رول حاصل کرنے میں کامیاب نہیں ہو سکیں کیونکہ بالی وڈ میں سیاسی پس منظر ہی کافی نہیں بلکہ 100 کروڑ سے زیادہ کا بزنس کرنے کی دوڑ نے مقابلہ کی فضا کو مزید سخت کر دیا ہے لیکن اس کے باوجود شریا نارائن نےچھوٹے رول کر کے اپنی شناخت قائم کر لی ہے ۔
شریا نہ صرف ایک اداکارہ ہیں بلکہ وہ ایک مصنف اور سماجی کارکن بھی ہیں۔ فلموں کے علاوہ وہ ٹی وی سیریلز میں بھی کام کر چکی ہیں۔ انہوں نے اپنے اداکاری کیرئیر کا آغاز سونی ٹی وی کے شو ‘پاؤڈر’ سے کیا تھا .2011 میں شریا نے ٹگمانشو دھولیا کی فلم ’صاحب بیوی اور گینگسٹر‘ سے بالی ووڈ میں قدم رکھا۔ انہوں نے فلم میں ‘مہووا’ کا کردار ادا کیا تھا۔ اس فلم میں ان کے ساتھ جمی شیرگل، ماہی گل، رندیپ ہوڈا تھے۔
اس کے علاوہ وہ راک اسٹار، راج نیتی، دستک، تنو ویڈس منو، سوپر نانی، جیسی فلموں میں بھی کام کرچکی ہیں۔ سوپر نانی میں انہوں نے دماغی طور پر بیمار لڑکی کا رول نبھایا تھا، جسے لوگوں نے کافی پسند کیا تھا۔
ہندوستان کے سابق صدر ڈاکٹر راجندر پرساد کی پڑپوتی شریا کی پیدائش بہار کے مظفرپور میں ہوئی تھی لیکن انہوں نے تعلیم جئے پور سےحاصل کی ۔زندگی اتار چڑھاو کا نام ہے. شریا کے ساتھ بھی یہی ہوا . جب شریا فلم انڈسٹری میں اچھا کام کررہی تھیں تو انہی دنوں ان پرغموں کا پہاڑ ٹوٹ پڑا ۔ ان کی والدہ کینسر کا شکار ہوئیں اور کچھ عرصہ بعد اسی مرض سے وفات پا گئیں .
بالی وڈ کی وہ مشہور اداکارہ … جو بھارت کے پہلے صدر کی پڑپوتی ہے!
کچھ صاحب تحریر کے بارے میں
اس پوسٹ پر تبصرہ کرنے کا مطلب ہے کہ آپ سروس کی شرائط سے اتفاق کرتے ہیں۔ یہ ایک تحریری معاہدہ ہے جو اس وقت واپس لیا جا سکتا ہے جب آپ اس ویب سائٹ کے کسی بھی حصے کے ساتھ بات چیت کرنے کے لیے اپنی رضامندی کا اظہار کرتے ہیں۔
